لوكالات السيو والمتخصصين والفريلانسرز
أداة فحص السيو لكل مواقع عملائك: اللي كان بياخد يوم، يخلص في دقيقة.
حط رابط الموقع واضغط زرار واحد. المنصة بتفحص الموقع صفحة صفحة، وتقولك إيه المشاكل اللي مقللة ظهوره في جوجل، تبدأ بأنهي واحدة، وتصلحها إزاي. وفي الآخر تقرير جاهز تسلّمه للعميل.
موقع واحد مجاناً بكل الأدوات، من غير بطاقة بنكية.
| المشكلة | صفحات | امتى |
|---|---|---|
| خريطة الموقع فيها روابط مش موجودة | 14 | النهارده |
| الرابط الأساسي بيشاور على صفحة تانية | 9 | النهارده |
| أكتر من صفحة بتنافس على نفس الكلمة | 6 | الأسبوع ده |
| صفحات يتيمة مفيش روابط ليها | 23 | الأسبوع ده |
| وصف الصفحة مكرر | 41 | الشهر ده |
المنصة بتعمل إيه بالظبط؟
جوجل عشان يظهّر موقعك، بيبعت برنامج يدخل على صفحاتك ويقرأها. لو لقى مشاكل، زي صفحة من غير عنوان، أو رابط مكسور، أو محتوى متكرر، بيقلل ترتيبك. المنصة دي بتعمل نفس اللي جوجل بيعمله، بس بدل ما تسكت، بتقولك على كل مشكلة لقتها.
درجة من 100
رقم واحد يلخص حالة الموقع، محسوب على 6 محاور. تفحص تاني بعد الإصلاح وتشوفه بيعلى.
خطة إصلاح مرتبة
مش قائمة طويلة وخلاص. المشاكل متقسمة: تتصلح النهارده، الأسبوع ده، الشهر ده، حسب خطورتها.
مع كل مشكلة: الحل
مكتوب المشكلة إيه، في أنهي صفحة، وتتصلح إزاي. وللعناوين والوصف والصور، بتديك النص الجاهز.
تقرير للعميل
تقرير كامل تنزّله وتطبعه PDF أو تبعته ملف، يوضح للعميل الشغل اللي اتعمل والنتيجة.
إزاي تستخدمها: 5 خطوات
نفس أسامي الزراير اللي هتلاقيها جوه المنصة.
-
اعمل حساب
اضغط "حساب جديد"، واكتب اسمك وإيميلك وكلمة سر. ببلاش ومن غير بطاقة.
-
ضيف الموقع
اضغط "إضافة موقع"، واكتب اسم الموقع ورابطه كامل، زي https://example.com. سيب باقي الإعدادات زي ما هي.
-
افحص
اضغط "افحص الموقع الآن" واستنى حوالي دقيقة. ما تقفلش الصفحة لحد ما يخلص.
-
اقرأ النتيجة وصلّح
هتظهرلك الدرجة وخطة الإصلاح. ابدأ بمشاكل "النهارده". لو محتاج نص جاهز افتح "الإصلاحات".
-
افحص تاني وسلّم التقرير
بعد ما تصلّح، افحص تاني وشوف الدرجة. ومن "التقارير" نزّل تقرير للعميل.
بتوفر عليك إيه مع كل عميل سيو جديد؟
الفحص اليدوي
برنامج زحف، بعدين Excel، بعدين فلترة ونسخ ولزق لحد ما تطلع بقائمة.
الفحص والتحليل في ضغطة واحدة، والمشاكل متجمعة حسب النوع وعدد الصفحات.
تبدأ بإيه؟
٣٠٠ مشكلة شكلها واحد، والعميل عايز يعرف أهم حاجة تتعمل الأسبوع ده.
خطة جاهزة: النهارده، الأسبوع ده، الشهر ده، حسب الخطورة.
المبرمج مش فاهم
تكتب شرح لكل مشكلة، وترجع تسأل اتصلحت ولا لأ.
لكل مشكلة قبل وبعد وسبب. والفحص الجاي بيتأكد إنها اتصلحت فعلاً.
تقرير آخر الشهر
ساعات في تجميع صور شاشة وأرقام عشان تثبت للعميل إنك اشتغلت.
تقرير شامل بيتعمل لوحده كل شهر، جاهز تبعته.
فحص سيو تقني شامل: بتفحص إيه بالظبط؟
أكتر من 40 نوع مشكلة، متقسمة على 6 محاور. كل محور ليه وزن في الدرجة النهائية.
المحتوى على الصفحة ٢٥٪
العنوان والوصف (ناقص، مكرر، قصير، طويل)، العنوان الرئيسي H1، ترتيب العناوين، والنص البديل للصور.
الإعدادات التقنية ٢٥٪
الرابط الأساسي (Canonical) ناقص أو غلط، لغة الصفحة، وتظبيط الموبايل.
جودة المحتوى ٢٠٪
محتوى قليل، محتوى مكرر أو شبه مكرر، تكرار الكلمة المفتاحية بزيادة، وصفحات بتنافس بعض على نفس الكلمة.
الروابط الداخلية ١٥٪
روابط مكسورة، صفحات يتيمة مفيش حاجة بتربط ليها، روابط داخلية ضعيفة، وروابط خارجية كتير زيادة.
البيانات المنظمة (Schema) ١٠٪
كود Schema ناقص أو فيه أخطاء، ومعاه مولّد Schema جاهز للتنزيل.
قابلية الزحف والفهرسة ٥٪
صفحات مكسورة (404) أو بترجع خطأ سيرفر، صفحات ممنوعة من جوجل، ومشاكل ملف robots.txt وخريطة الموقع.
اقتراحات روابط داخلية
تقولك تربط أنهي صفحة بأنهي، وبأنهي كلام.
توزيع الكلمات المفتاحية
اربط كل كلمة بالصفحة المناسبة، واكتشف الصفحات اللي بتنافس بعض.
مقارنة بالمنافسين
عدد الصفحات وطول المحتوى واستخدام الـ Schema، بينك وبين منافسين العميل.
Search Console والذكاء الاصطناعي
اربط حساب Search Console لكل موقع، واكتب العناوين والوصف بالذكاء الاصطناعي لو حابب.
ولو الموقع بيمنع الزحف؟
بعض المواقع، خصوصاً المتاجر على سلة وزد وشوبيفاي والمواقع اللي ورا Cloudflare، بترفض أي طلب جاي من سيرفر. المنصة ما بتسيبكش قدام كلمة "فشل":
-
بتحاول تاني لوحدها
لو الموقع رفض أول طلب، المنصة بتعيد المحاولة كأنها متصفح Chrome عادي، وبتكمّل الفحص كله لو نجحت. من غير ما تغيّر أي إعداد.
-
بتقولك السبب بالظبط
حماية بترفض السيرفرات (كود 403)، أو ملف robots.txt بيمنع الزحف، أو الموقع ما ردّش. ومع كل سبب، الحل المناسب ليه.
-
بتديك العنوان اللي يتسمح بيه
لو الحماية بترفض السيرفرات كلها، المنصة بتعرضلك عنوان IP السيرفر بزرار نسخ، تبعته لصاحب الموقع أو لدعم المتجر عشان يضيفوه لقائمة المسموح بيهم، وبعدها تفحص عادي.
-
Search Console كبديل
حتى لو الزحف مقفول، تقدر تربط حساب Search Console وتشوف بيانات جوجل الحقيقية: الكلمات، ومرات الظهور، والضغطات، والصفحات اللي نزلت.
ملف robots.txt بنحترمه افتراضياً. ولو الموقع موقعك أو موقع عميل عندك إذن منه، تقدر تقفل الخيار ده من إعدادات الموقع.
أرقام تقدر تدافع عنها قدام العميل
مفيش أرقام زيارات متخمّنة ولا "قوة دومين" متخترعة. كل رقم في التقرير جاي من صفحات الموقع اللي اتفحصت فعلاً، أو من حساب Search Console بتاع العميل. لو العميل سألك "الرقم ده جه منين؟" هتلاقي الإجابة.
أسعار أداة السيو: ادفع على قد عدد عملائك
أول موقع واحد مجاناً بكل الأدوات. جرّبها على أصعب عميل عندك، وبعدين قرر.
مجاني
موقع واحد للأبد
- كل الفحوصات وخطة الإصلاح
- الإصلاحات الجاهزة والتقارير
- فحص تلقائي كل أسبوع
شهري
لكل موقع عميل إضافي
- نفس كل الأدوات
- ضيف أو وقّف عملاء براحتك
- فودافون كاش أو إنستاباي أو PayPal
سنوي
لكل موقع عميل إضافي
بتوفر 1,400 جنيه عن الشهري
- نفس كل الأدوات
- مناسب للعملاء اللي معاك على عقد سنوي
- فودافون كاش أو إنستاباي أو PayPal
مثال: لو معاك 5 عملاء، هتدفع 800 جنيه في الشهر (أول موقع مجاني)، يعني حوالي 160 جنيه على كل عميل.
أسئلة عن أداة فحص السيو
المنصة بتعمل إيه بالظبط؟
بتدخل على موقعك زي ما جوجل بيعمل، وتقرأ كل صفحة، وتدوّر على المشاكل اللي بتقلل ظهورك في نتائج البحث: عناوين ناقصة أو مكررة، صفحات مكسورة، صور من غير وصف، روابط داخلية ضعيفة، محتوى مكرر، وغيرها. وبعدين تديك درجة من 100 وقائمة بالمشاكل مرتبة حسب الأهمية، ومع كل مشكلة طريقة إصلاحها.
ضفت موقعي، أعمل إيه بعد كده؟
اضغط "افحص الموقع الآن" واستنى حوالي دقيقة. بعد ما يخلص هتلاقي صفحة النتيجة: الدرجة، وخطة مقسمة (النهارده، الأسبوع ده، الشهر ده). ابدأ بمشاكل "النهارده"، صلّحها في موقعك، وافحص تاني.
الفحص بياخد قد إيه؟
عادةً من نص دقيقة لدقيقة. لو موقعك كبير، الفحص بيحفظ اللي خلص ويقف قبل ما السيرفر يقطعه؛ اضغط الزرار تاني عشان يكمل الباقي، أو فعّل الفحص التلقائي الأسبوعي.
المنصة بتعدّل في موقعي؟
لأ. بتقرأ الصفحات العامة بس. الإصلاحات بتظهر لك جاهزة للنسخ، وإنت أو المبرمج اللي بتطبقوها.
بتفهم المواقع اللي معمولة بـ JavaScript؟
المنصة بتقرأ الصفحة زي ما السيرفر بيبعتها، من غير ما تشغّل JavaScript. لو موقعك بيعرض محتواه بالكامل بـ JavaScript، الفحص هيوريك اللي محركات البحث ممكن تشوفه قبل تشغيله، وده مؤشر مهم في حد ذاته.
أقدر أدي العميل دخول يشوف موقعه؟
حالياً لأ. بتنزّل له تقرير جاهز (صفحة ويب تتطبع PDF، أو ملف Excel بصيغة CSV) وتبعتهوله.
أقدر أربط Google Search Console؟
أيوه، من "أدوات أكتر" ثم "Search Console والذكاء الاصطناعي" لكل موقع. البيانات بتتخزن مشفّرة.
لو الاشتراك خلص؟
بياناتك كلها بتفضل. المواقع الزيادة عن الباقة المجانية بتتقفل لحد ما تجدد، وأقدم موقع بيفضل شغال.
الموقع رفض الفحص أو بيمنع الزحف، أعمل إيه؟
المنصة بتجرب لوحدها تفتح الموقع كمتصفح عادي. لو الموقع رفض برضه، بتقولك السبب بالظبط: حماية بترفض السيرفرات (زي Cloudflare أو حماية متاجر سلة وزد)، أو ملف robots.txt، أو إن الموقع ما ردّش. وبتعرضلك عنوان IP السيرفر تبعته لصاحب الموقع أو لدعم المنصة عشان يسمحوا بيه. ولحد ما ده يحصل، تقدر تربط Search Console وتشوف بيانات جوجل الحقيقية للموقع.
أدفع إزاي؟
من صفحة "الاشتراك" جوه حسابك: ادفع بـ PayPal (أو بالفيزا من خلاله) والاشتراك يتفعّل فوراً، أو حوّل بفودافون كاش أو إنستاباي واكتب رقم العملية ويتفعّل بعد المراجعة.